Shillong: Khadduh khadwai, ka bor jong ki samla, ka la jop haduh ba u myntri ka tnad pule puthi ka ri u Dharmendra Pradhan ula hap ban hiar shuki noh toin.
Mynta ka sngi u Dharmendra ula phah ia ka shithi iehnoh kam kum u myntri sha u myntri rangbahduh ka ri hadien ba ki samla ka ri kila iakhih kaba la iaid sha ka 10 sngi eiei haduh mynta ha kylleng ka ri khamtam ha Jantar Mantar, New Delhi.
Kane ka jingiakhih ki samla ka long ban pyrshah jur ia ka jinglait tuh ki jingkylli ka eksamin NEET kaba la pynduhkha mynsiem ia ki samla kiba la trei shitom ban iakhun ia kane ka eksamin.
U Dharmendra ula ong ba u hap ban iehnoh kam kum u myntri na ka daw ban iada ia ka lawei ki samla na ki bor pyrshah ri.
Ia kane ka jingiakhih la ialam ka seng Niangkalaw ne ka Cockroach Janata Party (CJP), kaba la pynkhih win bur ia baroh kawei ka ri India. U Dharmendra u dei u MP ka BJP na Odisha.
Pyndem toin u myntri ka ri ha ka bor ki samla ha ka jingialam ka party Niangkalaw
