Shillong: U kyrtong MP ka NPP u Dr. DRL Nonglait ula khot ia ki paidbah ban ym ia pyllut por ban iabishni, iapihuin namar ba ka jingim ka lyngkot palat bad tang ia kaba bha ruh, ym lah ban pyndep.
Ia kane u la ong haba ialap elekshon ban pan ia ka jingkyrshan na ki paidbah ha ka jingialang ha Mairang ha ka sngi Saitjain.
Ha kane ka sngi, u Dr. DRL Nonglait ula ong ba um ju peit ia kiba kynthoh bad ym don por ruh ban sngap ia kiba kynthoh bad leh noh ei kita kiba kynthoh ia u. U la ong ba ki kynthoh aiu bad ki dei mano ruh, um tip hynrei shim beit ia ki kum ki paradoh parasnam khlem bishni ia kita kiba kynthoh ruh.
Ha kajuh ka por, ula ong ba man ka sngi, naduh 9baje mynstep haduh 12 baje da miet, ki paidbah, ki kynhun bapher bapher kila tuid ban wan ai mynsiem ia u ki bym dei satia na ka NPP.
Ula ong ba ka bynta ka phang sepngi ka ri Khasi, ka dei kaba dang kham sahdien tam namar ba tang ka campus jong ka skulbah NEHU kam pat don.
Ula pdiang sngewbha ruh ia u bah R Nongsiej bad ka kynhun uba dei u nongialam na ka Congress ha ka NPP ha katei ka jingialang. Ula ong ba ha Mawlai konstitwensi ruh ula pdiang da ki phew ngut kiba wan kyrshan ia u.
Ka jingim ka lyngkot palat, ym don por ban bishni|ha Mawlai ruh bun nga la pdiang ia kiba wan kyrshan: Dr. DRL
