Shillong: Ki Rangbah nongialam ka Seng Khasi Kmie, Sein Raij, Seng Khihlang bad ka Sengbah Ki Nongshat Nongkhein U Hynniewskum Hynniewtrep, kila shim ia ka rai ha ka jingialang kaba la long mynta ka sngi ha Seng Khasi College, Jaiaw, Shillong ba kito kiba don ha ka niam Khasi, niam tre ki dei ban pyndap ïa ka kyrteng Niam ha ka Khanasamari da kawei ka kyrteng, kata; “Niamkhasi Niamtre”, la ong ki nongialam.
U Vice President ka Seng Khasi Seng Kmie Rgh. PD Nongrum ula ong ba ka jingialang ka la mynjur lang bn ai da ka kyrteng Niam Khasi Niam Tre, ym kum mynshwa ha kaba la paw tang kum ki bym dei Khristan ne Non-Christian ne kiwei.
Ka dawbah kaba la jied ban ai ia kane ka kyrteng ka long hadien ba ki khanasamri kiba la dep, ki nongthoh khanasamari ki ju pynrung kum ki bym dei Khristan ne kiwei ki jingthoh. U bah PD Nongrum ula ong ba ka sorkar India ka la ai ka jingbthah shai ba haba ki leit rung sha ki thliew ïing, ki dei ban thoh beit kumba ong ne iathuh u ne kata ka briew ha kaba iadei bad ka niam ne ka jingngeit.
Da ka Niam Khasi Niamtre ha ka khanasmari, pynbna iar ka Seng Khasi, Sein Raij
