Shillong: Ki longkmie ka them Bhoi ha ka sngi Baar, kila pynmih ia ka sur kaba jam bha ban ai burom ia ka sorkar India kaba la pynurlong ia ka bhah nongmihkhmat sha ka 33 percent.
Ia kane ka prokram la pyllong ka BJP Women hapoh ka jingialam ka President kong Arene Hynniewta.
La pyynkup burom ia ki longkmie ka them Bhoi ha ka jingialang ha Nongpoh bad ka la don ruh ka jingiaid kjat ban pynsawa ia kane ka sur jong ki longkmie bad ka jingaiburom ia u myntri rangbahduh ka ri u Narendra Modi uba la wanrah ia ka bhah 33% ia ki kynthei kaba long ka jingkyrkhu kaba khraw ia ki khynthei kiba lah long lypa ki nongioh burom na ki longshuwa manshuwa.
Kiba shim bynta ha kane ka prokram ki long ka kong Ajilina Maiong kawei na ki nongtrei mon sngewbha, ka Kong Irene M Moksha, ka kong Anjela Makri bad kiwei kiwei ki Seng bapher bapher kum ki SHG, ki Nongsengkam lajong bad ki Nongtreimon sngewbha ki paidbah.
Sawa jam ka sur ki longkmie ha them Bhoi ba urlong ka bhah 33 percent
