Shillong: U myntri rangbah ka jylla u Conrad K Sangma, ula plie ia ka Nabon Memorial Home, kaba jaka sah kiba la tymmen kaba la tei da ka Jingiaseng Kynthei Shillong Ri Lum Presbytery, ha Mawiong Rim, Shillong.
Haba kren ha kane ka sngi, u myntri rangbah ula ong ba kane ka iing jong kibala tymmen kaba la jer hadien ka longkmie Khasi kaba nyngkong ban kylla Khristan, ka dei kaba don jingmut shisha.
U la ong ba kane ka pyni ba ym tang ka jingpdiang ia ka jinglong Khristan hynrei ka jingim ha ka lynti jong ka jinglong Khristan man ka sngi kaba phalang ia ka dur ka jingshakri bad ka jingkyrshan ia kiba donkam bad kane ka dei ka nongrim ba kongsan jong ka jinglong Khristan kaba la phalang ha kane ka iing bad ka jingtei kaba la plie.
Ha kajuh ka por, u la ong ba ka sorkar ka dang pynkhreh ban tei ia ki jaka sah kiba la tymmen ha man ki jaka jong ka jylla.
U la ong ba ki anganwadi centre ki long kiba kongsan ia ka roi ka par jong ki khynnah bad ha ka Mission1000 Days kaba pyllait ka sorkar, ki anganwadi centre kin long kum ka jingkieng hapdeng ki khynnah bad kiba la tymmen.
U myntri rangbah ula pynbna ruh ba la ai jingiarap T. 25 lak na ka Chief Minister’s Special Development Fund sha ka Nabon Memorial Home.
Da ka iing sah kiba la metiaw ha ka kyrteng ka longkmie ba kylla Khristan nyngkong
