Shillong: Ka jingkhynra ki pulit dang shen ia kiba die met ha ka thain Khyndai Lad, ka la pyllong ia katei ka thain ban kham thanda bad pynshynrain ia kiba leh ia ka kam, watla ki dang don kiba dang swait.
Ka iew awria iadie met ka jur bha ynda la miet 10 baje shaneng eiei ha kaba ki briew ki la shlur ban mih ban sha surok ban ap ia ki customer ban iakren bad pynbeit dor.
Dang shen ki pulit ka East Khasi Hills, ki kem 16 ngut kynthup 4 ngut ki ksiang ne agent kiba iakhaïi met ha ka thain Khyndai Lad bad kiwei ki jaka marjan.
Ha ka jingiaid jurip ha ka por mynmiet ha ka thain Khyndai Lad, bad kiwei ki jaka ba marjan, la iohi ba ka la don ka jingshynrain watla ym lah ban tip namar ba ha ka iew miet.
U dang shen u Superintendent of Police (SP) u bah Vivek Syiem ula ong ba ka jingkharoi bad ioh shna ktem awria ki briew, ka dei ba ailad ki trai hotel ban pyndonkam na ka bynta kane ka jingkwah brai.
U la maham ia ki trai hotel ba ki dei ban sangeh mardor ban ai jaka ban pyllong ialeh kam brai, kaba la pynkharoi ia kane ka kam bad lada ki dang leh, ki pulit kin tan ia ki sha ka ain. “Ki ioh jaka ban leh ia ki kam awria ha ki hotel bad ki trai hotel ki dei ban sangeh ia kane bad lada kim sangeh, ki pulit kin pynjur ia ka jingkyndang bad kin tan sha ka ain”, la maham u SP.
Ka kam khaïi met kam dei ka jingeh jong ka ain, hynrei ka dei u sohkhliang jong ka imlang sahlang bad kan wanrah ka jingma ia ka jingim na ka jingpang iathiah tnga.
U SP ula iathuh ba ia kine kiba la shah kem, la aiti sha ka tnad social welfare ba kan pynthymmai ia ka jingim jongki, da kaba btin lynti ba kin trei da ki kam kiba don burom, namar ba kiba bun ki tur sha kane ka kam sang, ka dei na ka jingshem jingeh ha ka jingim jongki.
Ula ong ba la iatreilang ruh bad ka tnad ka koit ka khiah ban peitbniah iaka jingkoit jingkhiah jongki.
Da miet sdang ka iew awria, la kham shynrain ka kam die met ha thain Khyndai Lad ba kyndang ki pulit
