Shillong: Mynta ka sngi da ki hajar ngut ki paidbah kila mih sha surok ban iaid rally ha Khliehriat, East Jaintia Hills ban dawa na ka sorkar ba kan plie noh ia ka jingtih dewiong ha ka jylla.
Ka la mih ka sur kaba sawa jam kaba ong, “Ko sorkar wai mooiong, hoi kiwww”, ha kaba ki paidbah ryngkat ki banner, ki tynghung kila iaid ha surok shaid shaid.
Ia kane ka rally la khot pyllong ka seng Jaintia Coal Miners and Dealers Association (JCMDA) ban dawa pyntreikam noh ia ka jingtih dewiong da ka juk stad saian.
Ka jingkhang tih dewiong thliew khnai ka National Green Tribunal (NGT) ha ka jylla naduh u snem 2014-15, ka la ktah jur ia ki trai par, ia ki nongbylla tih dewiong khamtam ha Jaintia Hills, kaba riew spah bha ha ka jingdon u dewiong.
“Ko sokrar wai mooiong, hoi kiwww”, sawa jam ka sur ha ka rally ha Khliehriat
