Shillong: Ha ka jingpynbna result matric ne Secondary School Leaving certificate (SSLC) mynta u snem jong ka MBoSE, ki don 50 ngut kiba poi ha ka top 20 ne ka thup ki 20 ngut.
Ki don baroh 48623 ngut kiba ialeh ia kane ka eksamin mynta u snem bad na kine kiba pass ka long 42228 ngut, kaba la kot sha ka 86.84 percent.
Mynshem snem 2025, kiba pass matric ka long 87.10% kaba kiew shi percent na kaba mynta u snem 2026.
U Wangaal Lama na Gorkha Pathshala Higher Secondary School,Shillong ula wan ba nyngkong da kaba kamai 585 mark, bud sa u Vishal Kumar 576 mark na Embee Rosebud Higher Secondary School,Tura, nangta sa ka Prajukta Roy na Seven Set Higher Secondary School,Shillong bad ka Prinita Das kaba ioh mar 575 mark na Pechon A Sangma Memorial Police Public Secondary School,Tura.
Ka jingpass matrik ki khynnah ha kane ka ar snem, ka kiew haduh katta katta kaba la long palat ia ka 80 percent ban ianujor bad ki snem ba la leit.
La ioh ruh ban iakren bad ki katto katne ngut ki samla kiba la wan ha ki kyrdan bapher bapher bad khamtam uba wan ha ka kyrdan ba nyngkong.
48 hajar tam kiba ialeh matrik, pass 42 hajar tam, 50 ngut kiba Poi top 20
