Shillong: U Myntri ka tnad pule puthi ka jylla u bah Lahkmen Rymbui ula ai khublei ia baroh ki samla kiba pass bha ia ka eksamin Matrik ne SSLC kaba la pyllait mynta ka sngi.
Haba kren mynta ka sngi, ula kitbok ba kito kiba pass kin nang lah ban kiew shaphrang ha ka jingim jongki nangne shakhmat.
U myntri ula ong ba ka jingpass bha ki khynnah ka pyni ba ka jylla ka la leh bha ha ka pule puthi ha ka jylla bad ka sorkar kan pyrshang shuh ban pynjanai.
Ha kajuh ka por, ula kyntu ia kito kiba shah bat ne phiel kiba don kumba 6 hajar ngut, kin ialeh biang ha u bnai Jymmang ban pass bha.
Ha ka jingpynbna result matric ne Secondary School Leaving certificate (SSLC) mynta u snem jong ka MBoSE, ki don baroh 48623 ngut kiba ialeh ia kane ka eksamin mynta u snem bad na kine kiba pass ka long 42228 ngut, kaba la kot sha ka 86.84 percent.
Mynshem snem 2025, kiba pass matric ka long 87.10% kaba kiew shi percent na kaba mynta u snem 2026.
Ai khublei u bah Lahkmen ia kiba pass bha, kyntu ia kiba phiel ialeh biang ha u bnai Jymmang
