Shillong: Ka jingdon ki riew dusmon , ka la pynjulor thiaw ia ka mariang. Ha kane ka sngi u Blei, u lum ha Mawrah-Rangtmah, u la kylla iong ngain na ka jingjyrngam na ka jingshah wiang dusmon ha ki briew kim don ka jingpyrkhat.
Katkum ka jingiathuh ki briew ka shnong Mawrah, kaba hap ha 12 Shnong Block, kane ka la jia ha ka por janmiet eiei ha kaba kila iohi ia ka jingmih ka tdem kaba shyrkhei na u lum bad ki briew kila kyndit haba kila ioh sa ka ding kaba ieng ban klang ban bam naphang katba kiba shah ha lynti jongka haduh ba ka la pynkylla rngai lut ia ki dieng, ki phlang kiba ka la ioh lad ban klang.
U bah Lurshai Dohling uwei na ki nongshong shnong ula iathuh ba kane ka la pyllong ia ki nongshong shnong ban ia mih paidbah naduh ki shynrang bad kynthei ban leit pyllip ia ka ding katba lah haduh ba kila jrem kaba la shim por 2 kynta ban lah ban pyllip ia ka ding.
Katei ka jaka kaba shah wiang ding ka dei kaba la ju khot kum ka Madan ud, kaba ju pyndonkam ki nongshong shnong ban pynbam phlang ia ki masi, ban thoh ia u stiew ban shna khnam bad ban rep ban riang ruh.
Ka jingshah pynjulor ka la wanrah ka jingduh kaba khraw ia ki nongshong shnong bad ka shnong ka la maham ia ki briew kiba leh dusmon.
Iong ngain u lum Mawrah-Rangtmah ba shah wiang ding dusmon | mih kynthei bad shynrang ban pylllip
