Shillong: Ka sorkar jylla lyngba ka Information Technology & Communication ka la pyllong ia ka Meghalaya IT Awards mynta ka sngi ha U Soso Tham Auditorium, Shillong.
Ha kane ka sngi, palat 200 ngut ki samla pule klas X bad 12 kila ioh pdiang ia ka Laptop na ka sorkar jylla. Kine kiba ioh pdiang ia ki Laptop ki dei ki samla kiba pass bha ha ka top 20 ha ki eksamin jong ki MBOSE, ICSE, CBSE.
Ia kine ki laptop sam da u myntri rangbah ka jylla u Conrad K Sangma ryngkat u myntri ka tnad pule puthi u bah Lahkmen Rymbui .
Haba kren ha ka jingialang, u Conrad ula iathuh khana ban ai mynsiem ia ki samla pule ba ha ka por ba u kpa jongu, u Purno A Sangma u phah leit pule sha Philadelphia, USA, u la bthah ia u, ba u dei ban wan phai biang sha ka ri sha ka jylla ynda la pyndep ia ka jingpule, bad um dei ban sah ban trei ha USA. Ha kata ka por, u Conrad u dang don 17 snem.
Hadien ba la wan phai ula seng kam noh da ka karkhana shna jingbam bad nang pynheh sa kiwei ki kam hadien ba u iasoh pat sha ka sain pyrthei.
Palat 200 ngut ioh Laptop ki khynnah pule Klas 10 & 12
