Shillong: Mynta ka sngi, Parul University, Gujarat ka la pyllong ia ka jingai jinghikai ne ka Workshop ia ki Nonghikai bapher ha ka nongbah Shillong na ka bynta ban khot rung klas ha kane ka skulbah kaba tad bad bit dor. Kan ai baibam ruh ia ki samla pule kynthei ha kane ka skulbah.
U Jagrit Sharma u Director ka Parul University, Gujarat ula ong ba la plie ia ka ophis ha Jingkieng Nongthymmai ia kiba kwah ban rung klas ne Admission ban iarap ia ki samla na kane ka jylla. U la ong ba kin kham duna ka dor na ka bynta ki kynthei tang 25 hajar shisnem.
Kin ai ka jinghikai shwa ne ka Counselling khlem jingsiew eiei ia ki samla kiba kwah ban shim Admission ha kane ka University.
Ha kane ka workshop la wan iashim bynta kumba 40 ngut ki nonghikai na kylleng ka nongbah bad ula iathuh ba kane ka skulbah ka dei kaba ka pawbha ha India ban ioh kyrdan A plus.
Tang 25 hajar ia ki kynthei shi snem ka bai klas, khot pule kloi ka Parul University
