Shillong: Kawei ka pla kaba la buh ha kyndong ha surok hajan ka khyrdop ka ïing briew ka la pynsuhjer ha ria ki nongleit nongwan bad ki nongshong shnong.
Kane ka pla kaba la buh ha kyndong ka surok ka dei ha Lailad Nongrim Hills kaba la wanrah ka jingtieng jingsmiej ia ki paidbah mynta ka janmiet.
Namar ka jingsuba ioh don eiei, na ka liang ki briew kila pyntip sha ki pulit, kiba la mareh sha katei ka jaka wut wut ban bishar bniah ioh ka lah ban dei ka kynja bom IED.
Ki pulit kila khang ruh ban iaid kali sha katei ka jaka bad ia ki briew ruh kumjuh ban iada ioh dei u bomb khnang ban lait na kano kano ka jingmynsaw.
Na ka liang ki Bomb Squad kila hiar sha katei ka jaka ban eksamin ia katei ka pla.
Lah ban kdew ba ha kine ki sngi ruh, ka la don ka jingjia kum kane ha Nongpoh ha kaba ka pla kaba la shui eh ha lynti paidbah, ka la pynher syrngiew ia ki paidbah bad ynda kila plie kila lap ba dei tang ki jain.
Pyntieng ka pla ha surok hajan ka khyrdop ha Nongrim Hills
