Shillong: U kyrtong ka NDA kaba ialam ka BJP, u CP Radhakrishnan uba dei ruh u Lat ka jylla Maharashtra ula jop suk ia ka kam Vice President ka ri ha ka jingjied kaba long mynta ka sngi.
U CP Radhakrishna ula ioh 452 vote na ka 767 vote katba u kyrtong ka INDIA Bloc u B Sudershan Reddy u ioh 300 vote.
U Radhakrishan un dei u Vice President ba 15 jong ka ri India. Ia ka kam Vice President ka ri, la hap ban pyllong hadien ba la risain noh u Jaagdeeg Dhankar ha ka 21 tarik Naitung ba la dep na ka daw ka jingbym sngew khlain bha ka met jongu.
Jop suk u kyrtong ka NDA ia ka shuki Vice President
