Shillong: Ia u shipai uba la lenlade na bynta ka ri, u Sepoy Aibok Madur la pyndon burom khadduh ha shnong ka kurim bad u khun jongu, ha Lyngkhoi mynta ka sngi Nongkong.
U shipai Aibok Madur u dei na ka shnong Mawbri, Ri Bhoi District, bad ula poi shongkha sha shnong Lyngkhoi.
Ula aiti ia la ka jingim namar ka Ri ha Siachen Glacier, jammu kashmir. U Aibok u don ha ka kynhun GOC, Fire and Fury Corps jong ka Indian Army.
Une u Samla u la aiti ia la ka jingim ha ka jingiakhun bad ki nongshun ha ka 7 tarik mynta u bnai. Na ka liang ki heh shipai ka ri ki la pynpaw ia ka jingsngewlem jong ki na ka bynta jong u bad ki bahaiing jong u.
Ia ka met ba sah jong une u Shipai Ka Shnong Lyngkhoi kaba hap hapoh East Khasi Hill District ha ryngkat bad bad ki para bangeit ka Balang Catholic, mynta ka sngi kila leh Burom khaduh bad ai khublei khatduh ia u shipai Aibok Madur uba la khlad noh.
Nalor ka jingleh niam da ka Balang la leh don burom khatduh ruh da ki shipai ka Assam Regiment Centre ia u shipai Aibok Madur ha ka jingsakhi ki paidbah kiba la wan ban sngewlem halor ka jingkhlad noh ka jong u.
Ha shwa ban rah ia ka met basah u Shipai Aibok Madur kala don ka jingleh niam na ka balang bad kumjuh ruh ka jingkren halor ki kam jong u .
Kum ka dak ban ai khublei khatduh ia u shipai Aibok Madur, ki khynnah skul bad ki paidbah ka shnong lynti lynti ki la ap ha ryngkat bad ki lama India ban ai khublei khatduh ia u shipai Aibok.
Ynda la poi sha lum jingtep kala don biang ka jinglehniam bad leh burom khatduh da ki shipai ha shwa ban thep ia ka synduk ha thliew bad ynda la dep thep ha thliew ki shipai Assam Regiment kila siat suloi lai sien sha suin ban on ai khublei khatduh.
Ai burom ki shipai, ka shnong Lyngkhoi bad ka sorkar ia u Shipai Khasi
