Shillong: U Bah Vincent H Pala, uba dei u nongialam ka Congress bad MP barim, u la ong ba ka jinglong jingman ha ka shong suk shong shngaiñ ha ka Jylla ka la kylla bak lybak bad ki kam sniew ha ka Jylla ki la kiew stet bha mynta haba ia nujor bad ki por ba la leit, bad lah ban dei na ka bamsap bad u drug kiba la pynjot ia ka Jylla.
U la ong ba ki don bun kiei kiei kiba ym pat ju leh ne bna mynno mynno mynta la leh, ha ka kyrteng jong ka jingbym iohkam, bad lehse kane ka jingleh kadei namar ki la bitar ia ka Sorkar kaba mynta.
U la ong ba ki kam beaiñ kum ka kam khaïi drug kan dei tang ha Meghalaya lane North East, hynrei ka la ktah ruh ia ka Nepal, Bhutan bad kiwei ki jaka.
U Bah Pala u la ong shuh shuh ba ki kam sniew kum ki kam die met, ym ju don ba kren bad ym don ba tip, hynrei lada leit sha ki thaiñ Khyndailad ka la kylla haba ianujor bad 5-10 snem mynshwa, bad kane kadei namar ka jingduk, ka jingbym iohkam, ka jingsynshar bakla bad ka jingpyndonkam bakla ia ka bor.
Kiew stet ki kam sniew namar ka bamsap, ba khlem kam, ba la synshar bakla bad donbor: Pala
