Shillong: Ka jingleh niam jong ka Raid Mylliem hapoh ka Hima Mylliem ha Iewduh kan long ha u bnai Thahthoh kumba ju long man u snem.
Kumba ju long la pyndep shwa ia ka jingleh niam, ka knia ka khriam, ka dem ka nguh ha Mawnarian bad hadien sa leit kiew pat sha u Lum Shyllong shwa ban pyllong pat ia ka shad ka kmen bad ia kane ka jingleh niam, la pyllong u bnai Jymmang.
Mynta u snem ia kane ka jingleh ia ka niam ka rukom la pyndep ha Mawnarian bad Lum Shyllong bad kaba sah mynta, yn pyndep sa ia ka niam ha Iewduh ha u bnai Thahthoh ne u bnai Naiwieng.
Ia ka jingleh ka Raid Mylliem kawei na ki Raid ba Kongsan bha ha ka Hima Mylliem, la pyllong da ki khun ki hajar ryngkat u san kur khadwei kur bad u Lyngdoh, hadien ba ka High Court Meghalaya ka la hukum ba kito ki myntri kiba la kylla niam, kim dei shuh ban leh ia ka niam ka rukom tynrai, ka niam Khasi jong ka Raid.
Ha ka sngi kut jong kane ka jingleh niam naduh ka 27 tarik Jymmang bad ka shad ha ka 1 tarik Jylliew 2026 ha Mawnarian, ki nonglamkhmat kynthup u Lyngdoh bah Kyrshon Marbabiang, u riewtymmen riewsan bah Daming Nongkhlaw, u nongkhet nongdain bah Justingwel Kharkongor, bad na u pyrta u shutia ka Raid bah Egenstar Kurkalang kiba la ai khublei ia ki khun ki hajar baroh.
Ha u bnai Thahthoh yn kiew ka lehniam ha Iewduh | la pyndep ha Mawnarian bad Lum Shyllong
