Shillong, Jylliew 02: U Sordar jong ka Dorbar Nongsteng Pyllun, Sohra Syiemship, u bah Jkar Kharshandi, u la phah da ka shithi sha u Executive Member (EM) ka Elaka jong ka KHADC ban weng noh ia ka jingkyrshan jong u ha kaba ïadei bad ka jingdawa ban pynlong da ka ilekshon jied Syiem hapoh ka Hima Sohra bad kiwei ki kam, kaba ula soi lang bad ki Sordar jong ka Shnong Umblai, Mawphu bad Mawmang.
Ha ka shithi kaba la phah ha ka 29 tarik, Jymmang 2026, na ka liang jong u Sordar ka Nongsteng u la pynpaw ba ka jingleit synran jong u ïa ki Sordar jong kitei ki shnong ban dawa pynlong ilekshon jied Syiem hapoh ka Hima Sohra ka dei tang ka rai shimet jongu. Hadien ka jingiapynbeit bad ïakynduh lang jong baroh ki dkhot Executive Member jong ka Dorbar Shnong Nongsteng Pyllun, na ka liang jong u Sordar ryngkat ka jingïamynjur lang jong baroh ki dkhot EC, la rai ban weng noh ïa katei ka jingkyrshan ban dawa pynlong ilekshon, hynrei ka Dorbar Nongsteng Pyllun ka mynjur bad pdiang beit ïa ka rai jong ka Dorbar Hima, Hima Sohra kaba la long ha ka 3/11/2025 ban mynjur bad pynskhem beit ïa u Marremdor Syiem kum u Syiem ba pura jong ka Hima Sohra.
Weng noh u Sordar ka Nongsteng ia ka shithi ba la ai sha KHADC ba pyrshah ia u Marremdor
