Shillong: Ka jinglap ia ka met jong u bah Tailin Lyngdoh Nonglait, ka la pynlyngngoh ngain ia ka kur Nonglait bad mynta ka sngi ka la kynduh ia u Superintendent of Police (SP) ka Eastern West Khasi bah Bah Geffry Waemhok Lyngdoh, MPS ban pynsted ban tohkit bad kem ia kiba donkti.
U President ka Seng Samla Kur Lyngdoh Nonglait, Seng Kmie u bah Seiborlang L Nonglait ula kyntu ia u SP ba un shim khia ban tohkit bniah bha ia ka jingiap jong u bah Tailin. Ula ong ba ka jingbuddien kan ym kut haduh ban ioh ia ka jingbishar hok.
U bah Seiborlang ula ong ba kumba ka paw, ka dei ka jingshah pyniap dusmon bad kam dei kaba shu pyniap hi.
Hynnin ka sngi, la lap ia ka met jong u bah Tailin ha dukan kaba don hajan surok ha Permadan kaba jngai kumba 3km na Kynshi ha ka surok sha Myriaw bad katkum ka jingiathuh kiba iohi ia kane, la the ia ka kjah bad kti jongu bad da ka jain na ryndang, bad teh ha u dieng hapoh ka dukan, kaba la pynsuba jur ba ula shah pyniap.
Ka ben, ka miej, ka dulir ruh ka la khyllem lut bad la boh ia ka pisa T. 500 ha shadem jong u, kaba pyni ba ka don eiei halor kane ka jingjia, ym ba u pyniap hi.
Ym ikop ka kur Nonglait ba iap hi u para kur, kynduh ia u SP ban pynsted ban tohkit bad kem ia kiba donkti
