SHILLONG 21, Jymmang: U MLA ka Congress u bah Ronnie V Lyngdoh u la ong ba jylla Meghalaya ka dei kaba donbok bha namar ba ka ioh bhah thungkam haduh 85 percent ka bym ju jia koit sha kiwei ki jylla ha ka ri.,
Haba kren ha kane ka sngi Thohdieng, u bah Ronnie u la ong, “Ngi donbok ba dei tang ka jylla jong ngi, kaba ioh bhah thungkam haduh 85 percent”,.
U la bynrap, “Haba peit ym ju don kano kano ka bhah thungkam kaba long ia ka jaitbynriew hynrei ka dei beit tang ia ka ST, SC ne OBC katba hangne ha jylla jong ngi, ka dei ia ka jaitbynriew”.
Katkum ka jingong u bah Ronnie, ki samla kim dei ban tieng ne khuslai namar ba ym tang ba ki ioh bhah haduh 85 percent hynrei ki lah ruh ban iakhun ia ka 15 percent kaba dei ka General category.
“Kam ym don kum kata kaba ki paidbah jong ngi, kin sheptieng ba kan don ka jingleh shiliang”, la ong u MLA ka Mylliem.
Hynrei ha kajuh ka por, u la ong ba dei ban long kiba husiar bha namar ba lada don ba leit tied jingkhang sha ka kashari ban kylli ia kane ka 85 percent, ka lah ban buh jingma ban duh syndon ia kane ka bhah. “Ngi hap long husiar bha. Ban da don ba leit sha Kashari, lada ki ong balei haduh 85 pecent phi don ka bhah, ka lah ban don ka jingma, ngi lah ban duh bhah hynrei nga sngew ba 40:40:15, namar ba ma ngi ki Khasi, ngi lah ban iakhun lang ha kane ka 15 percent ruh”, la ong u bah Ronnie.
U la ong ba lada shim ia kane ka 15 percent, ki Khasi kila ioh palat ruh ia ka 40 percent.