Shillong: Ka dorbar mang tyngka ka ïing dorbar thawain ka jylla Meghalaya kan long shiphew sngi kynthih naduh ka 16 haduh 27 tarik Rymphang 2026.
Ha kane ka dorbar mang tyngka, ka sorkar kan ioh 7 sngi ban pyndep ia ki kam jongka bad 3 sngi la mang na ka bynta ki MLA ban rah ia ki mat.
Ia kane la rai ka Business Advisory Committee (BAC) ka Meghalaya Legislative Assembly, ha ka jingialang kaba la long mynta ka sngi ha ka jingpyniaid u Shongknor u Thomas A Sangma. Ki dkhot kiba don lang ki long u symbud Myntri Rangbah ba peit ia ka tnad Parliamentary Affairs bah Prestone Tynsong.
katba u nongialam liangpyrshah u Dr. Mukul Sangma bad u bah Paul Lyngdoh ki shim bynta da ka online.
Kiba don lang ha kane ka jingialang ka BAC ki long u bah Cyril V. Darlong Diengdoh, Commissioner & Secretary, Parliamentary Affairs Department, u bah Andrew Simons, Commissioner & Secretary, Meghalaya Legislative Assembly bad u Malthus S. Sangma, Secretary, Meghalaya Legislative Assembly.
U Shongknor ula pyntip ba ia ka mang tyngka jong ka jylla, yn wanrah ha ka 20 tarik Rymphang 2026.
Ha kajuh ka por, ula ong ba ia ki kynta shong dorbar lah ban pynjlan lada donkam ban ailad ia ki dkhot ban iashim bynta ha ka jingiatai hapoh ka iing.
Ha ka sngi ba wanrah ia ka Supplementary Demand for Grants yn pynjlan ia ka kynta shong dorbar sha ka 3:00 PM.
10 sngi ka dorbar mang tyngka, 3 sngi yn ioh rah ki MLA liangpyrshah ia ki mat
