Shillong: Ka Nongkseh Sports Social and Cultural Club ka la rah ia ka nam lahduh ka lympung ialehkai 11th All India Chief Minister’s Gold Cup International Football Tournament hadien ba ka la pynlem ia ka BSF (Jalandhar) 1–0, ha ka jingiakhun phainal kaba la long ha Jorethang, South Sikkim, mynta ka sngi Palei.
Ia kane ka kol ka Nongkseh la thep u Kynsaibor Lhuid ha ka 51 minit. Ka Nonbgkseh ka la ioh ka song pisa kaba 20 lak tyngka.
Ha ki jingiakhun mynshwa, ka Nongkseh kala jop pyrshah ia ka Himalayan Gangtok 2–1, ka la pylliem da 1-0 ia ka Eastern Railway, bad ka la pynbam 4-0 pyrshah ia ka NEROCA FC.
Ha ka jingiakhun ia ka semifinal ka la pynliem ia ka Red Panda bad mynta ka sngi ka la pylliem da 1-0 ia ka BSF Jallandhar ban rah ia ka nam kum ka lahduh.
Pylliem ka Nongkseh ia ki BSF Jalandhar, rah ia ka T.20 lak na ka 11th CM Gold Cup
