Shillong: U SP ka East Khasi Hills bah Vivek Syiem ula ong ba katkum ka jingeksamin, ka jingdon ka kyiad ha ka met u driver uba syllad ia ar ngut ki samla pule ka NEHU ha phyllaw ka NEHU Mawlai, kam iahap shuh.
U SP ula ong ba une u driver u dei uba la tip kyrteng kum u Pamen Sangma uba trei pahara ha NEIFRIHMS hynrei u wan ha barrack ha NEHU.
Ar ngut ki samla kynthup ka samla Stephanie Shadap na shnong Madan Mynsaw Mowkyndeng, West Jaintia hill bad ka samla Daritngen Pohdukhei na ka Shnong Borghat, East Jaintia kiba dang pule ha ka Department Chemistry ha NEHU kila Mynsaw jur na ka jingshah tynrah kaba shyrkhei ha kawei ka kali Maruti car mynin ka miet ha NEHU gate 2.
Nyngkong la rah ia kine sha Civil Hospital, Shillong hynrei namar ba la shitom jur la pynkit noh sha Nazareth hospital.
Ki pulit kila kem ia u bad la pynngat ha ka kyndon 109 ka BNS kaba eh kaba thmu ban pyniap briew bad kin rah sha kashari mynta ka sngi.
Ka kyiad ha met ka la palat, ym iahap shuh ban niah kali, ong u SP ia uba tynrah ia 2 ngut ki samla ha NEHU
