Shillong: Shillong: Ka iew madan ha parking lot ka MUD ha Khyndai Lad ka la iaid sha ka lai bnai eiei mynta naduh ba ka sorkar ka la pynkynriah na surok.
Kumba la iohi, ka iew ka la sdang ban tip ki briew katba nang mih ki sngi ha kaba bun ki nongthied nongpeit kila iarung iamih sha katei ka iew madan ban thied ia ki mar ki mata jongki. Hynrei bun ki nongshong iew kila pynpaw ba ka iew kam pat long satia namar ba kim pat lah die eiei lait noh tang malu mala.
Ha ka jingiakren bad ki nongshong iew, kila don kiba pynpaw ba ki don ki sngi ba ki kham iew bad don ki sngi bym lah dei eiei bad don pat kiba la ud ba ka iew kam shym long satia namar ba kim lah die eiei.
Ha kane ka iew, bun ki Khasi bad ki dkhar kiba la ioh shong madan kiba la ioh ia ka Certificate of Vending (CoV) na ka sorkar. Ha ka jingiakren bad ki dkhar, kila iathuh ba ka iew te ka heh bha sha surok naduh ba kila wan rung ha katei ka jaka ha MUDA Parking Lot, ka die ka thied ka la duna bha. Kila ai jingmut ruh ba kan bha ia ka sorkar kan pynbna paidbah bad ban buh da ka signboard nabar khnang ba ki paidbah kin tip ia katei ka iew thymmai namar ba ia mynta, ki briew kim pat tip bha.
Ki don ruh ba lada ka sorkar kan shah ba kin die ha surok tang ha ka por janmiet, kan iarap ia ki ban ioh kamai namar ba ki shim.
Iap iew palat, donkam jingthoh ban tip ki paidbah, ong ki dkhar bad khasi ba die madan
