Mairang: Ka Ophis ka Development Commissioner Handicrafts Service Centre Shillong mynta ka sngi, ka 22 tarik Risaw 2025, ka la pynlong ia ka jingai jinghikai halor ki skhim na ka DC handicrafts shaphang ka e-commerce gem portal GST bad kiwei de hapoh ka Research and Development Skhim.
La pyllong ia kane ka jingai jinghikai ha Multipurpose Hall DC office Mawsawa Ewkhd.
Ka Deputy Commissioner ka District ka kong Anita Kharpor ka la ong ba kane ka workshop kan long ka jingmyntoi ia ki briew khamtam ka Eastern West ka don shibun ki riew donsap ban thaw ban shna bad ban ohsrong ohshrup da ki siej, ban suh ban thain, kiban pynheh pynkhraw ia ka kam jongki ba kin im jakpoh na kane ka kam shna kam thain.
La ioh ruh ia ka jingkren na u BDO ka Mawthadraishan u bah WL Massar, ka Asst Director Handicrafts ka R Sonar bad kiwei kiba shah khot sngewbha, ki Riew shemphang ki ban ai jinghikai sha ki Nongsuh nongthain tiar na kane ka dong ka thaiñ.
Hikai pynjanai ka DC Handicraft ban ioh skhim ki nongshna bad nongthain kti ka Eastern West
