Shillong: Ki pulit ka Meghalaya kila rakhe kynmaw kyrpang ia ki pulit kiba la iap haba ki dang don ha ka kam. Kane ka jingkynmaw bad leh burom ka long ban iathuh sha ka pyrthei ba ka snam kaba la lynkien kan ym sepei namar ka jingshakri jongki ia ka ri.
Kane ka jingkynmaw burom ka dei kaba 66 bad la pyllong ha nongbah Shillong ryngkat kiwei ki jaka.
U DIG (Eastern Range) u Davis NR Marak ula pyntip ba baroh ki pulit kiba la aiti ia la ka jingim ki don 186 ngut ha India hapdeng ka 1 tarik Nailur 2024, bad 31 tarik Nailar 2025.
U Marak ula pule ruh ia ki kyrteng jong ki pulit kiba la lenlade na ka bynta ka ri. Naduh ka jingioh laitluid ka ri, ki don haduh 36,500 ngut ki pulit kiba la kyllon iap haba ki don ha ka kam kynthup 129 ngut na Meghalaya hapdeng 1977 bad 2024.
Ha kajuh ka por ka Director General of Police (DGP) ka kong Idashisha Nongrang, ryngkat kiwei ki pulit ophisar kila buh syntiew ha ki mot kynmaw jong kine ki riew lenlade ha ka Police Headquarter, Shillong.
Ka jingkynmaw burom ia kane ka sngi ka dei ha ka sien ba nyngkong ban pyllong ha Police headquarter namar ba ha ki snem ba la dep, la ju pyllong ha Police Reserve.
Man u snem, ia ka jingkynmaw burom ia ki pulit ne ka Police Commemoration Day la rakhe ha ka 21 tarik Risaw.
Ka snam ba lynkien kam ym sepei | kynmaw tympang ia ki pulit ba la iap ha ka kam
