Shillong: U nongialam uba dei ruh u nongaiktien ka BJP Meghalaya u bah Mariahom Kharkhrang ula ong ba ka Assam kan ym kyrkieh ban kwah ban pynbeit pud namar ba ka ioh ban bat ia ki jak aba ka Meghalaya ka la kam bad lada ka Meghalaya kam tynruh, kan ym khih satia.
U bah Mariahom ula ong, “ka Meghalaya ka long langknia ia kano kano ka jingeh ba iadei bad ha khappud bad ka Assam kan ym kwah ban pynbeit pud namar ba ka la ioh bat ia ki jaka bad lada ka Meghalaya kam tynruh dieng tyllaw man ka por, kan ym poi shano shano ruh ka jingangnud ki paidbah”.
Kane ka kam khappud ka la sahkut sah la slem bah ha kane ka jylla bad ka la donkam tyngeh ba ka sorkar Meghalaya kan kham niat tyngeh ba kham pynsted ka Assam ban iapynbeit pud.
Halor ka jingbuh pulit ha thain Lapangap ban pahara ia ki paidbah, u bah Mariahom ula ong ba ka donkam ia ka sorkar ba kan peit ia ki pulit ba kin pynbiang ia ki jingdonkam, ym ban shu leit buh khlem pynbiang eiei, namar ka Assam pat ka pynbiang lut ia ki jingdonkam jong ki pulit.
‘Ka Assam ka leh lyngngai ba ioh bat ia ka jaka, hap tynruh ma ngi’, ong ka BJP
