Shillong: Mynta ka sngi, la ioh jingtip sa iwei I khynnah ila jah ha kawei na Umpling haduh ba ka la pyllong ia ki paidbah ka shnong ban iamih ban leit wad.
Hynrei kham hadien, la ioh jingtip ba ila wan phai sha la iing na ïing ki paralok ha ka por 9baje eiei janmiet. Shwa ia kane, ka shnong hadien ba la ioh jingtip ia ka jingjah ine i khynnah ba 15 snem, ka la iamih ban leit shane shatai ha katei ka shnong.
Kane ka khubor ka la pynsuhjer ia ki kmie ki kpa bad ka shnong hadien ba ha kine ki ar sngi ba la dep, iwei u heprit ba dang 7 snem ka rta, ula jah klep na phyllaw ïing katba dang ialehkai hynrei ia ka met iap jongu, la lap na khlaw ha ka thain Mawpat. Shwa ia kane, iwei pat I khunlung ba dang 4 snem, ila jah bad ia ka met jong I, la lap ha ka sngi kaba bud ha kawei ka jaka kaba hap ha Nongrah, Shillong.
Katkum ka jingtip, ine I khynnah ba dang 15 snem eiei ka rta, I la jah na ka por 4 baje mynta ka janmiet bad kiba haiing hasem kila pyllong ia ka jingwad ia I hynrei ym pat lap satia. Hynrei ha ka por 9baje janmiet, ila wan phai sha la ïing.
Jah sa I khynnah na Umpling, mih shnong ki paidbah ban wad
