Shillong: Ki pulit ka Ri Bhoi mynta ka sngi, kila phah ialam ia u runar uba shah kynnoh ban shim ia ka jingim jong iwei I khynnah haduh ba in khlad.
Une u runar u dei uba la tip kyrteng kum u Iainehskhem Kharsati, 22 snem uba la shah kem ha ki pulit halor ka jingkynnoh ba ula leh beijot ia I khynnah ha kawei ka shnong kaba hap ha Ri-Bhoi District.
Ryngkat ka jingteh handcuff ia ki kti jongu, la bthah ia u ba un leit pyni ia ka rukom rahbor bad pyniap bad leh dusmon jong u ia ine I khynnah ha ka khlaw bad kumno u pyniap ia I ha katei ka por. Nalor u SP ka Ri-Bhoi u VS Rathore bad kiwei, ki briew na ka Forensic kiba la shim ia ki sakhi satar na katei ka jaka, ban leh ia ka eksamin halor kane ka jingjia. Kiba haïing jong I khynnah ruh kila don lang ha kane ka jingleit pyni nuksa ne recreate ia ka jingjia pyniap ne ia ka crime scene.
Ha kane ka jingialam sha kane ka jaka, une u runar uba la shah kynnoh ban leh ia kane ka kam runar, ula phla bad pyni ia ka kam kaba u la leh haduh ba I khynnah in dkut mynsiem syndon bad ialade u phet noh bak syndon na katei ka jaka.
Lah ban kdew ba I khynnah skul ila shah pyniap ha ka 9 tarik Risaw katba ka kmie ka dang phah ban leit shim ia ka kot na u rangbah shnong hynrei naduh katei ka por, I khlem wan phai shuh bad dei tad haduh da miet ba ki paidbah ka shnong kila lap ia ka met jong I na khlaw.
Ha ka sngi kaba bud, ki pulit hadien ka jingioh ia ki sahi satar, kila thwet ia une u runar bad ioh kem syndon. Ki pulit kila rejister ia kane ka jingjia ha ka POCSO Act.
Batai u Iainehskhem ia ka rukom pyniap ia I heprit ha jaka ba u leh kam pohjait hapoh khlaw
