SHILLONG 15, Jymmang: Ka ialehkai ka Umrit SC bad ka Mulait United kila ioh ia ka jingjop ha ka jingiakhun mynta ka sngi jong ka lympung Meghalaya State League 2023.
Ka Umrit ka la pynliem ia ka Seng Samla Laitryngew da 3-1 ha ka jingiakhun ha ka madan MFA, Polo.
Ha ka jingiakhun ha Tura jong ka Group D, ka Selsella Sports Association bad ka Wasa FC kila iakhaid 1-1 ha madan Chandmari.
Ha Mawkyrwat, jong ka Group C, ka Seven United SCC bad ka Lumdiengngan SC kila iakhaid 2-2 ha madan MDSA.
Kumjuh ha Jowai, ha ka Group B, ka Mulait United ka la pynliem ia ka Youth Club Pdengkarong da 2-1 ha madan Kiang Nangbah Stadium.