Shillong: Ki pulit ka Mairang Police Station kila kem ia uwei u briew uba la suba donkti ban ot ia ka ryndang jong uwei u samla ha Mawlyntriang, Eastern West Khasi Hills.
Katkum ka kyrwoh ki pulit mynta ka sngi, ka 9 tarik Nailur, 2025, la kem ia uwei u briew uba la tip kyrteng kum u Linter Ryntathiang, 46 snem uba dei na shnong Mawlyntriang, Eastern West Khasi Hills.
Ha ka 6 tarik mynta u bnai, uwei u samla uba kyrteng u Bunsiewdor Nongrang, 26 snem ka rta ula mynsaw jur hadien ba ula shah ot na ryndang ha katei ka shnong.
Ki pulit ki dang thwet sa ia kiwei pat kiba donkti bad ia une uba shah kem la rah sha kashari kaba hukum ban set ia u 14 sngi.
Shah kem uwei ba ot ryndang, dang thwet sa ia kiwei
