Shillong: Hadien kumba 2 bnai ba la iaid naduh ba shah pyniap u Raja Raghuvanshi, kiba haiing jongu, kila pyllong ia ka jingleh niam ha jaka ba shah pyniap u Raja ha Parking ha Wei Sawdong.
Kum ka jingkyrkhu ba ka mynsiem u Raja kan ioh ka jingsuk naduh ba shah pyniap, kiba haiing jongu, kila rai ban pyllong ia ka jingleh niam ha katei ka jaka ba u Raja ula shah pyniap.
Ia ka met u Raja la lap ha ka 2 tarik Jylliew na katei ka jaka kaba don ha thaiñ Sohra.
U hymmen u Raja, u Vipin Raghuvanshi, uba wan poi ha Shillong ha ka sngi Baar, mynta ka sngi ula leit jngoh ia ka Sohra lem bad u lyngdoh Hindu uba dei ruh u nongpeit khlur u Vinod Pariyal, ha katei ka jaka ba lap ia ka met iap u Raja.
Une u Lyngdoh Hindu ula leh ia ka jingduwai na ka bynta ban ioh jingsuk ka mynsiem u Raja Raghuvanshi.
Kiba haing ki kyrmen ba lyngba kane ka jingleh niam, ka mynsiem u Raja kan shem ia ka jingsuk bad ka jingbishar hok kan ieng.
Leh niam u Lyngdoh peit khlur bad kiba haïing ha jaka ba lap ia ka met u Raja ha Parking Wei Sawdong
