Shillong: Khadduh khatwai hadien ba la iapyneh la bun sngi hapdeng ka Shillong Municipality Board bad ki nongdie madan ha ka thain Khyndai Lad, mynta ka sngi, ka 23 tarik Naitung 2025, ka la poi sha ka jingiabeit soin.
Khnang ban wanrah ia ka jingiabeit ban lait na kano kano ka jingsuba sniew ne shah kynnoh ha ka jingioh ia ki dukan ban shong, ka Municipal ka la pyllong syndon da ka khalai nusip hapdeng ki nongdie madan kiba la ioh ia ka syrnod ban ioh shong ha ki jaka ba la shna ka sorkar.
Haba nyngkong, ka la don ka jingpyneh na ka kynhun ki nongdie madan hynrei don ruh kiba la kohnguh bad dei hangne ba kham hadien kila iabeit wat kito kiba pyrshah ruh kila mynjur ia kane ka rukom pyniaid ka Municipal ban jied slip bad ban shong dukan katkum ka number ba ki ioh ha ka slip.
Ki jak aba ka sorkar ka la pynbeit ki long ha Parking ka MUDA ha mala ba nyngkong bad kawei pat ka dei ha Parking kaba don mar pyrshah ka SBI Main Branch.
Ka sorkar ka la pynkynriah noh ia ki nongdie madan na thain Khyndai Lad khnang ban pynitynnad bad ban khring ia ki nongwankai ha katei ka jaka, kaban lait na ka jingjaboh jabain bad na kano kano ka jingwit haba iaid kai, bad shongkai ki briew.
Da ka khalai nusip, jop ka Municipal ia ki nongdie madan
