Shillong: Kumba 700 psah ngut eiei ki khynnah ïalehkai na ki 101 tylli ki skul, ki la dep ban ai ïa la ki kyrteng ki jong ki, ban ïashim bynta sha ka rynsan ïakhun ba la tip ia ka kum ka 31st State Level Inter School Karate Tournament 2025.
Kane ka rynsan ialehkai Karate yn pynlong ïa ka da ka synjuk ïalehkai kaba la rim bha ha kane ka jylla ka The All Meghalaya Karate-Do Association (AMKA) kaba ha kane ka kynti kaba mynta kan pynlong ha ki lai sngi katta naduh ka 24 haduh ka 26 tarik mynta u bnai Naitung ha Multipurpose Indoor Hall, SAI, NEHU, Shillong.
Kumban shu kyrtiang dien, ha ka snem kaba la dep, ka St Anthony’s Higher Secondary School, ka long ka lahduh na ka liang ki khynnah shynrang katba ka Sacred Heart Girls Higher Secondary School ka la long ka lahduh ha ka liang ki khynnah kynthei.
Ki nongwan ïashim bynta sha kane ka rynsan ïakhun kin long 731 haba ïa nujor bad ka snem kaba la dep ki nongïashim bynta ki long 609 ngut, kaba da kylla, kane ka dei artad ka rekod ïashim bynta kaba heh tam ha kane ka rynsan ïakhun.
Ïa kane ka jingïakob ka AMKA ka la lah ba kan pynlong ryngkat ka jingkyrshan da ka tnat Directorate of Sports and Youth Affairs