Shillong: Ka jingwan ring ia ka phlim ‘Rock On 2’, ka la wanrah jingmyntoi ia ka thain Laitlum, namar ba dei lyngba kane ka phlim, ba ki nongwankai kila tuid ban leit kai sha katei ka jaka.
Hadien ka 2016 ba la ring ia ka phlim, Rock On 2, ka jingwan tuid ki nongwankai ka la thnem bha sha katei ka jaka, kaba la wanrah ruh ka jingmyntoi ia ki nongshong shnong.
Hapdeng ka jingitynnad ki riat bad ki them shapoh, ki nongwankai ki ioh ruh ban shong kulai ban shang kai ha ka pyntha kaba iar ha katei ka lum bad kane kan pynsuk bad pynsngew bang ia ki, da kaba pyllut tang 100 tyngka.
Kaba kham sngew tynnad ka long ba ia kine ki kulai la pyniaid ki khynnah ha ka por ba ki ioh shuti.
Ar tylli ki kulai kiba la pyniaid kine ki khynnah, ki la ai kyrteng kum ka Pretty bad kawei pat ka Saw.
Kine ki khynnah kila iathuh ba man ka por, kim ju duh kamai namar ba ki nongwankai ki sngew tynnad bha ban shong kalai ban leit shang kylleng katei ka pyntha bad kane ka la pynioh ka kamai ia ki ban ai pat sha ïing.
Man ka sngi, tang ki kali ym duna ia ka 100—haduh 200 tylli ki tuid sha katei ka jaka ban peitkai ia ki them shapoh na sahit khyndew ne kaba ki khot ka Laitlum Canyon.
Iaid iew ka Pretty bad ka Saw ban kamai kit briew ha Laitlum
