Shillong: Ki nongialam ka BJP Meghalaya hapoh ka jingialam u bah AL Hek uba dei u myntri sorkar na ka BJP, kila leit ai sngewbha ar lyngdieng ne ai tylli u sohphan sha ka myntri ka myntri tnad ka pla tyngka ka ri ka Nirmala Shitharaman kaba don ha Shillong mynta ka sngi.
Haba kren sha ki lad pathai khubor, u bah Hek ula ong ba ha ka jingleit bam ja miet bad ka Nirmala hynnin ka miet, ka la kren bha shaphang u sohphan namar ba u don ka jinglong dawai.
Kumto, halor kane, ki nongialam ka BJP khlem da pynsem, kila wanrah sohphan wut wut ar lyngdieng ne ar tylli bad ai sngewbha ia ka ba kan rah ban kit ban bam shngiam.
U bah Hek ula ong ba ka Nirmala ka la ong ba u sohphan u don ka jinglong dawai ban iarap bha ia kiba pang shini bad ula wanrah ia une u sohphan na ka Resort jong u kaba don ha ri Bhoi.
Ka Nirmala ka la wan poi ha Shillong naduh ka 10 tarik bad kan leit phai lashai ka 13 tarik sha Delhi.
Ar lyndieng u sohphan ba long dawai, ai sngewbha ka BJP ia ka Nirmala
