Shillong: Mynshwa ha ka por ba ki briew kim pat don ki dawai dashin kiba biang, ha kaba ka jingiap khlam, ka jingiap them ka jur bha, ki briew ki hap ban kynriah shnong ne kynriah jaka ban lait na ka jingpur ne ka jingiabit.
Kum kane ka jingjia ka la wan lynshop ha kylleng ki jaka ka ri Khasi hyndai bad bun ki briew ki iap ki duh noh ia la jingim.
Hynrei hapdeng kane ka jingeh, ki briew ki wad ruh ia ki buit ki sap ban iada na kane ka jingpang kaba shyrkhei, bad katkum ka jingngeit bad ka jinglap ki briew hyndai, u Niangtyrkhang uba ki khot ha ka thain Phanniewlahrum hynrei ki don kiba khot da uwei u kyrteng ha kiwei ki thain bad ki jaka, uwei uba lah ban iada na kane ka jingpang.
Une u Niangtyrkhang u long kum u shipai ban iada ia ki briew na ka jingpang khlam, bad ban iada na ka jingkem ka khlam, u briew u donkam ban rah ia une u Niangtyrkhang ha pla bad ka khlam kam ym lah shuh ban shim ia ka jingim u briew namar ba katkum ka jingngeit u Khasi, kam lah ban niew ia ki kti ki kjat jongu, kiba la bun palat bad kan phet noh.
U parad Khungsing Jaba ula iathuh ba une u khniang u long kum u niang blei ruh namar ba u iada ia u briew na ka khlam.
U ñiangtyrkhang u shipai ba iada ia u briew na ka khlam, ka jingiap them
