Shillong: U symbud myntri rangbah ka jylla uba peit ia ka tnad ka kit ka bah, u bah Sniawbhalang Dhar ula ong ba ki kali shimet ne private kim lah ban kamai kumba leh ki kali kamai.
Haba kren mynta ka sngi, u bah Sniawbhalang ula ong ba ka don ka ain kaba khang halor kane bad la bthah ia ki ophisar ka tnad Transport ba kin wad ia ki kali shimet kiba kamai beain bad kumjuh ia ki ar shaka ruh.
Katkum ka jingong u myntri, lada lap ia kiba leh pyrshah, yn leh katkum ka ain da kaba dain kuna bad pynshitom.
Ki kali private kim lah ban kamai, yn shah trei ha ka ain, ong u myntri
