Shillong: Ki nongdie madan kila byrthen ia ki briew ka Shillong Municipal Board ba kim dei ban ktah ia ki mar bad lada ki ktah, kin ngat case.
Kane ka jingpyni bor jongki, ka long hapdeng Khyndai Lad mynta ka sngi, hadien ba ki briew ka Municipal kila pyrshang ban lum ia ki tiar jongki. Kine ki longkmie Khasi kila pyrshah jur bad kila pyni nia ia ki briew ka Municipal ba ka Town Vending Committee (TVC) ka dei ban khot shwa ia ka jingialang.
Na ka liang ki briew ka Municipal kila ong ba ki wan ban talasi ban peit ia ki kot kiba don ka Certificate of Vending (CoV) hynrei kim shah ban ktah ia ki mar.
Katba ki briew ka Municipal kila pyrshang ban shim noh ia ki mar ba ki phriang, kine ki nongdie madan kila byrthen bad kila leit shong syndon bhek ban ym ioh lad shuh ki briew ka Municipal.
‘Wat ktah ia ki mar, shong syndon bhek halor jain’
