Shillong: U SP ka East Khasi Hills u bah Vivek Syiem ula ong ba ka jingialam sha Mawlakhiat ia ka Sonam Raghuvanshi bad ia 3 ngut ki gang, ba kynthup ia u Vishal Singh Chauhan, u Akash Rajput bad u Anand Kurmi ka long ba kin pynshisha ia ka jingphla jongki bad katkum ka jingleh jongki.
U la ong ba ka jingialam ia ki sha Mawlakhiat ka long haei ki pynieng ia ki ar shaka, ba kin pynshisha ba ki ar shaka ki dong hangta bad ki mih nangta.
Ha ka 17 tarik Jylliew 2025, ki pulit kila ialam ia kine saw ngut sha Mawlakhiat ba kin pynwandur biang ia ka kam ba kila leh ha ka 23 tarik Jymmang, ha ka por ba la pyniap ia u Raja Raghuvanshi.
Ha katei ka sngi, ki pulit kila pyllut bun ka por ia ka jingpynwan dur ia kaei kaba la jia ha parking hajan Wei Sawdong, ha kaba la pyniap ia ka met u Raja, ha kaba kine saw ngut kila batai bad pyni kumno ki la leh ha katei ka sngi, haduh ban bret syndon ia ka met u Raja sha arliang riat.
Balei ialam ki pulit ia ka Sonam bad ka kynhun ki 3 ngut sha Mawlakhiat
