Shillong: Ha kane ka jingpynwan dur biang ia kaei kaba la jia ha katei ka jaka, la don ka por ba hap slap, ba lyoh bad don ba ka suin bneng ka la rang.
U SP ka East Khasi Hills u bah Vivek Syiem ula ong ba ka jingpynwandur ia kane ka jingjia ka long kaba jop, ha kaba ka jingphla jongki ka iahap katkum ka jingtohkit bad ka jinglap sakhi ki pulit.
Katkum ka jingong u SP ka jingioh lad jongki ban pyniap ia u Raja ha kateie ka jaka, ka dei namar ka jingioh lad ym dei ba ki thmu lyp ban wan pyndep ha katei ka jaka, namar ba ka jingthmu jongki ka long baroh shi lynter lynti naduh Nongriat shaduh Mawlakhiat ter ter haduh ban poi ha Parking ha Wei Sawdong ba ki sa ioh lad.
Ki pulit kin ioh por sa 2 sngi ban tohkit ia kine ki saw ngut shwa ba kin leit rah pat sha Kashari.
Hadien ba la dep ka jingpynwan dur na Mawlakhiat sha Wei Sawdong, ki pulit kila ialam ruh ia ki ha jaka peitkai ha Mawkma ha kaba ki bret ia ka raincoat bad nangne, ki rah biang bak sha Shillong.
Ka jingpynwan dur ka la kut ha ka por kumba 4 baje eiei janmiet
