Shillong: U SP ka East Khasi Hills, u bah Vivek Syiem ula ong ba hadien ba la dep ia ka jingtohkit ia ki 4 ngut kynthup ia ka Sonam Raghuvanshi, Raj Singh Kushwaha, Vishal Singh Chauhan, Akash Rajput bad u Anand Kurmi, mynta ka sngi, ka 17 tarik Jylliew 2025, ki pulit kila ialam ia ki sha ki jaka ba ki swait bad pyniap ia u Raja Raghuvanshi ha ka thain Sohra, ban pynwandur biang ia kaei kaba kila leh.
Kane ka jingpynwan dur ka la sdang ia kaba la jia naduh Mawlakhiat ter ter sha Wei Sawdong, Parking Lot ha ki jaka ba ki pyniap ia u Raja bad kumno ki wan sha Wei Sawdong. U bah Vivek u la ong ba ka jingpynwandur ka long ka jingtohkit ban pynkhlain ia ka sakhi, haei ki pynieng ia ka scooty, naei ki rung, haei ki rung, kumno ka rukom ieng shwa ban pyniap ia u.
La pynwan dur ia ka Sonam, u Raja ki ieng haei, bad kine lai ngut ki ieng haei bad ha ka por ba u shah pyniap, kumno u shah pyniap.
U SP ula ong ba ka jingpynwandur ka long kaba jop namar ba ka jingphla jongki ka iahap kumba kila pyni hangne bad ka Special Investigation Team (SIT) kan bteng shuh ia ka jingtohkit.
Kumno ki mait da ka wait, kumno ki ieng, kum ki swait
