Shillong: Uwei u nongwankai pyrthei da kaba shu jia ryngkhat uba ring video ha ka por ba u leit iaid sha Nongriat, ula ioh ring ruh ia u Raja Raguvanshi bad ka Sonam Raguvanshi katba ki dang iaid ban wan phai na Nongriat.
Ha ka video, une u tourist uba kyrteng u Dev Singh ula ong ba u leit kai sha jingkieng jri ar mala ne double decker ha Meghalaya ha ka 23 tarik Jymmang, 2025, bad ula ring ia ki video ruh katba dang iaid lynti kum u nongwankai. Hynrei ynda ula peit ia ka video ba ula ring, ula iohi ia ki shijur na Indore, Madhya Pradesh, u Raja Raghuvanshi bad ka Sonam Raghuvanshi kiba dang iaid bad kane ka la jia ha ka por 9:45 mynstep katba u dang hiar sha Nongriat hynrei kine ki shijur pat ki dang wan kiew.
U la ong ba ha kane ka jingioh ring jong u da kaba jia ryngkhat, la iohi ba u Raja u phong sopti shiteng katba ka Sonam ka phong da ka sopti lieh kaba lap najan ka met iap u Raja bad kane ka lah ban iarap shuh ia ki pulit ka Meghalaya ban ioh ksai shuh shuh.
Une u tourist ula pynpaw ba u la peit bunsien ia u Raja ha ka video bad u sngew sngewsih ba kaba sniew ka jia ia u. U la ong ba haba peit ia u Raja, u long kumba ju long bad um tip ia kaban sa jia ia u. Une u tourist u don ruh ka video ia ki 3 ngut kiba shah kem ha ki pulit, kiba bud nadien jongki, kumba 20 minit eiei hadien ba la iaid kine ki shijur.
Ioh ring u nongwankai ia u Raja bad ka Sonam katba dang iaid ha Nongriat
