Shillong: Ki jingbam jingdih la wan boi lut ki skain iong kiba wan na jaka bret niut bad ym lah shuh ban set ia ki khmut na ka jingkhlain bor ka jingksam ka jingsma iwtung na ka jaka bret niut. Kane ka la pyllong ia ki paidbah ka Umshangling ban iamih paidbah ban khang noh syndon ban wan bret ha katei ka jaka.
Ki nongialam ka shnong Umshangling bad ka Synjuk Phra Shnong Pahamrioh Circle, ryngkat ki longkmie kiba la pynpaw ia ka jingsngewsih ba ki nongshong shnong ki la shah ktah jur na ka jingsma iwtung na ka jingwan bret jaboh ha katei ka jaka khlem da shim ia ki lad ki lynti ban pyllait na ka jingsma bad ka jingleh pathar.
Ka jingbret pathar da ki briew kiba na kiwei ki shnong, ka la pynsaja eh ia ki briew ha Umshangling haduh ba kim nud shuh ban bam ktung, bam dohkha bad kiwei ki kynja jingbam ba sma, namar tang shu sma, ki skain iong ba bun jait ki la wan rung sha ki iing ki sem.
Ka ja ruh hap ban bam tang mar ia dep shet, hynrei tang shu ieh shiphang ar phang kam long shuh ban bam namar ba la wan boi lut ki skain.
Ka rai jong ka shnong Umshangling ban khang bret niut ha katei ka shnong, ka la buh jingeh ia ki shnong kiba don hapoh ka Nongpoh Town Committee (NTC) namar ha Nongpoh ka don tang katei kawei ka jaka bret niut.
Khang ki paidbah ban theh niut ba hap bam ja lang bad ki skaiñ iong
