Shillong: Ka sorkar jylla mynta ka sngi, ka la mynjur ban pyntreikam ia ka Chief Minister’s Regional Connectivity Scheme 2025, na ka bynta ban pyniasoh ia ka leit ka wan hapdeng ki district headquarter bad ki Block bapher bapher ha ka jylla.
Ha kane ka skhim, ka sorkar kan pyniaid 90 tylli ki bos khnang ban pynsuk ia ki samla pule, ki khynnah skul, ki nongleit ophis, bad ki riew paidbah na kawei ka jaka sha kawei pat bad kine ki bos kin poi ha jaka man ka sngi, 9:30 am bad kan mih pat 5:30pm man ka sngi.
Ha kane ka skhim, ka sorkar kan ai jingiarap pisa 50% na ka dor jong ka kali. Na kane, ka sorkar kan bei 35%, katba kiba thied kin hap sei 5%, bad kaba sah 60% kin hap shim da ka ram ha kaba kin hap ban pyndep hapoh san snem.
Ka sorkar jylla ka la pynshlur ban pyniaid da ki riew shimet ne ki kynhun bym dei sorkar ia kine ki bos namar ba ka la sheptieng ban pyniaid hi ka sorkar, ka lah ban kynduh kumba la jia ia ki bos saw ha kaba tang shiphang, kila hap leit ieng sha kyndong namar ba kim lah iaid shuh na ka jingduh.
U myntri ka sorkar jylla uba dei ruh u nongaiktien ka sorkar, u bah Paul Lyngdoh ula ong ba ka sorkar ka la pynbeit ruh iaki jaka ba kine ki bos kin leit kin wan.
Ba tieng ioh jah kylla mar jot tang shipor, pynshlur ka sorkar ia ki riew shimet ban pyniaid 90 tylli ki bos
