Shillong: Mynta ka sngi, por 5:15 Pm eiei, ki pulit kila wanrah ia ka Sonam Raguvanshi ha u Chief Judicial Magistrate, Shillong ban tian bishar.
Ki pulit kila kem ia ka Sonam Raghuvanshi bad 4 ngut kiwei halor ka jingkynnoh ban pyniap dusmon ia u Raja Raghuvanshi ha ka thain Sohra ha ka 23 tarik Jymmang ha kaba ia ka met jongu, la lap na shiteng riat Arliangriat ha parking ka thain Wei Sawdong.
U SP ka East Khasi Hills u bah Vivek Syiem u la ong ba ka hukum jong ka Kashari na Ghazipur bad Indore ka la ai por 3 sngi ban tian bishar noh ïa kine kiba la shah kem ha Kashari ha Shillong, kaba mut ba ka Kashari ka la ai por 72 kynta ïa ka ki pulit ka Jylla Meghalaya ban tian bishar ïa ka Sonam Raghuvanshi bad ai por 7 sngi pat ban tian bishar ïa 4 ngut Ba kynthup ïa u Raj Kushwaha, u Vishal Singh Chauhan, u Anand Kurmi bad u Akash Rajput.
La ioh khubor ba u CJM ula ai bor 8 sngi ia ki pulit ka Meghalaya ban tohkit ia ka Sonam halor kane ka jingjia.
La wanrah ia ka Sonam ha u CJM Shillong, ai bor 8 sngi ban tohkit
