Shillong: Ki pulit ka nongbah Shillong kila ioh kem 4 ngut ki nongkhaii drok kynthup 2 ngut ka kynthei bad 2 ngut ki shynrang ha ka miet sngi Nyngkong.
Na kine, la ioh kurup ruh u drok ba shong dor 691.54 grams bad la pynngat ha ka kyndon NDPS.
Kiba shah kem ki kynthup ia u Jeremy Dkhar uba la thmu ban leit thied drok na ka Lamtikhup Vaiphei kaba sah ha Lapalang ha ka por 9:30pm eiei, ha Nongrah.
Hadien ba la ioh kem ia u Jeremy, ula ialam ia ki pulit sa sha ka iing uwei u nongdie u
Thangboi Khaute uba sah marjan bad u, ha kaba la buhrieh ia ki drok ha kane ka iing.
Hadien ba la pyllong ia ka jingwad, la lap 62 tylli ki synduk thep drok ba la thep ia u heroin bad ka jingkhia ka la long 691.54 gram eiei.
Halor kane, la kem 4 ngut kiba donkti bad la pynngat ha ka ANTF PS.
Shah kem 4 ngut ki nongkhaii drok ha nongbah Shillong
