Shillong: Ka Sonam Raghuvanshi ka lok jong u Raja Raghuvanshi, ka la leit pyndem hi ha ki pulit ka Nandganj Police Station ha Gazipur district ka Utter Pradesh.
Katkum ka khubor, shwa ia kane, ka la phun sha kiba haiing dang step na katei ka jaka bad hadien ka la leit ban pyndem ha ki pulit ha katei ka jylla.
Ki pulit kila ong ba uwei u runar ula shah kem na Uttar Pradesh, katba sa ar ngut na Indore, Madya Pradesh.
Ki pulit kila ong ba ka jingleit kyndang ban kem sa ia uwei ka dang iaid.
U Myntri Rangbah ka Meghalaya u Conrad K Sangma ula iaroh ia ka jingtrei shitom bad jingtbit ka jylla Meghalaya halor kane ka jingjia..
Lah ban kdew ba u Raja bad ka Sonam kila wan kai sha Sohra ha ka 22 tarik Jymmang hynrei ha ka 23 tarik u Jylliew kila jah rngai noh bad ha ka 2 tarik Jylliew la ioh tam ia ka met u Raja na riat ha thain Wei Sawdong katba ka Sonam ka la jah rngai. Dei tad mynta ba ka la paw pyrthei kane ka kam, ha kaba ka Sonam ka la donkti ban pain nongbylla ban pyniap ia la u kurim ha ka thain Sohra.
Dang step phun ka Sonam sha kiba haiing, leit pyndem hi ha ki pulit ha UP
