Shillong: Ka Seng Longkmie Sengkhihlang ryngkat kiba haiing u babu Jeebon Roy, ki kwah ban kyrpad ban buh ia ka dur u Babu Jeebon Roy ha ka Raj Bhavan, Shillong kaba dei ka jaka sah u Lat kum shi bynta ban kynmaw bad ai burom ia une u nongsaindur ka jaitbynriew Khasi.
Ka kong Pdianglin Phanbuh, ka President Seng Longkmie Sengkhihlang ryngkat ka dkhot ka National Women Commission ka Kong Delina Khongdup bad kiwei, haba kren sha ki lad pathai khubor, mynta ka sngi ka 5 tarik Jylliew, 2025, kila ong ba u Babu Jeebon Roy u dei u nongsain dur jong ka juk thymmai ka jaitbynriew Khasi.
Ka Kong Delina ka la ong ba u Babu Jeebon u dei uba pynmih ia u dak ï, ñ ha u alphabet Khasi ba la wanrah u Thomas Jones. Ym tang katta, u dei uba hikai ia ki Khasi ban rep phan ban kamai ban die sha iew sha hat. Ha kajuh ka por, u dei ruh uba saindur ia ka sor Shillong ha kato ka por ba synshar ki phareng.
Shwa ia kane, kine ki longkmie kila iakynduh ruh ia u lat ka jylla u CH Vijayashankar ban kyntu ia u ban sngap ia kane ka jingkyrpad jongki, ban buh ia ka dur u Babu Jeebon Roy ha Raj Bhavan.
Dei u babu Jeebon ba pynmih ia u dak ï bad u ñ, uba hikai ban kamai na u phan ba wanrah u David Scott
