Shillong: U Dr. Jemino Mawthoh uba bat kum u General Secretary ka UDP ula risan noh na ka party kum u General Secretary, kum u dkhot bad kumjuh na ka kam kaba u bat kum u Honorary Adviser ka Planning Investment Promotion and Sustainable Development, Department ka sorkar jylla.
Ha ka shithi kaba la phah naduh ka 20 tarik mynta u bnai Jymmang, 2025, kaba la phah sha u President ka UDP u bah Metbah Lyngdohl, u Dr. Jemino ula ai daw ba ka jingmih noh jongu na ka UDP ka dei na ki daw bym lah kiar shuh.
Ka shithi ka ong kumne, “Ha u President ka UDP, bah Metbah Lyngdoh, ka phang ka jingrisain noh na ka United Democratic Party (UDP), Shillong, Meghalaya.
Sahep, halor ka phang ba la kdew haneng, nga kwah ban pyntip shaphi ba na ki daw bym lah kiar shuh, nga phah ia kane ka jingrisain noh na ka party, kum u dkhot ka party bad ruh nga iehnoh ia ka kam general secretary mardor. Nga sngew kmen ban shakri kum u nongthaw ain bad kum u Working President ka party haduh 2014 bad kum u general secretary naduh 2016 haduh mynta. Nga kwah ban ai ka jingsngewnguh ia ka party kaba la ai ia nga ka lad ha kine ki snem baroh ba ngan ioh ban shakri ia ki paidbah ka konstitwensi bad ka jylla. Nga niewkor ia ka jingkyrshan ki paralok ba iatreilang ha ka por ba nga don ha ka party ha ki bynta bapher bapher. Kane ka jingrisain ka dei ka kam shimet bad nga bat skhem ia kane ka nongrim.
Na ka bynta ka jingtip jong phi, nga la phah ruh ka jingrisain kum u u Honorary Adviser ka Planning Investment Promotion and Sustainable Development, Department ka sorkar jylla.
Nga kitbok ia ka party ha ki lynti iaid jongka shakhmat.
Pdiang hun ia kane.
Uba pyntip
Dr. Jemino Mawthoh
Ka shithi ba risain u Dr. Jemino na ka UDP
